U Ruhcima dignuli pusta od šest metara i poručili: "Bogati se snajdu, mali čovik vajka nastrada"

(Press)

Pasanu subotu Ruhci su odradili svoju tradiciju. Naime, pust je podignut uz cestu Pazin - Poreč s kamionom dizalicom i visok je šest metara. Poruku pustu čitao je Darko Rusac.

"Došla je Antonja, dan kad dižemo pusta i slavimo peti štajun. Do Korizme neka luduje ki kako če, a onda malo u karantenu", rekao je Rusac u govoru, a onda objasnio zašto su se složili da ove godine pust nosi ime Zgubidan!

"Pasano lito ni bilo ništo posebno, a naš predstavnik se ni jako istica, više je pešta po istemu…", poručili su uz poruku da vajka nastrada "mali čovik, jer bogati se vajka snajdu".

"Uglavnom pasano lito nimamo baš po čemu pamtit, osim ča je svako toliko zašla vijest da je jopet nika gripa pa se pokoju - krave, svinje i sve ča nas hrani i tako to. Na kraju smo bili kuntenti kad su nan dozvolili kolinje - ili po naše ubijaču, da si prontamo ča suhega mrsa za drugo lito. Uglavnom, nikemu je palo na pamet da bimo mogli ustat prez blaga i mesa pa je niki predložija da bi se dalo božićnicu svakojovci, kozi itd da ča lagje zduraju. A mi dragi moji kolege penzioneri, to moremo samo sanjat. Sada smo mi stoka sitnog zuba, a čuda nas i bez zuba. Ali mi živimo luksuzno, imamo luk i lijemo suze. Niki se je pak domislija da bi naši ragači hodili soldaton kako i nikad. Nikoji se slažu, a nikoji ne, ali mi čemo se držat iz kraja pa kako bude. Njima na duši. A našega Zgubidana čemo vrč na stup pa ima lazno misec dan ku bi ča popravija i dopeja u red. Sada po navadvi, mužika bliže i dignimo ga, a potle sve ovisi o njemu. A mi čemo svi skupa u dom u teplo da to proslavimo kako je i navadva", poručio je Rusac.

Zgubidan je tako "poša na stup" u Ruhcima, a onda je krenula "po navadvi" muzika i zabava do kasnih sati, najprije na otvorenom, a onda kasnije i u njihovom domu.

Tehnički, Zgubidan visi na čak šest metara, a uz veselje, tu je bilo i "čobanca" i kolači – svega pomalo, ali najviše dobre atmosfere koju Ruhci gaje godinama.