PIŠE Aldo POKRAJAC

Velika sabotaža u Puli, novi irski peškarečo zvrnjen u more

(Snimio Igor Popović)

(Snimio Igor Popović)


Slavna pulska brodogradnja za spravlje nima sriče. Uljanik je zdavna mrt, ma grad ki je zresa na Arsenalu i austrougarskoj mornarici ima još jedan škver sa svitlon tradicijon. To je našTehnomont, koji je, kada se zva Crvena zvizda, prfin dela velike jugo atlantike, koji su hodili loviti tune na zapadnu obalu Afrike.

I sada su tamo žgaji inženjeri i radniki. Delaju sve neke špečalne brode, hitaju hi u more odsprid, odzad i zboka. Da bi otpremili novi ribarski brod u Irsku angažirali su susedni Avangard, po naše sprid garde, na moderno ništo napro lušo. To je servis koji se reklamira da z travel lifton od 500 tona diže najluksuznije jahte.

I sada najedanput nevjerojetni ?Paf?. Novi peškadusrki brod, dug pena 26 metri, manji od pulskih kočari Mauro 1 i 2, je najadan put krmon propa u more. Zamislite, puka je zadnji pas, a prova je stala na prven pasu i sta na se počeja naginjati.

Svi naokuli su zinuli. Naprije se stega, pa puka zadnji pas, pa je uglancani brod usta na pridnjen. Brižna diretoreša Tehnomonta je bila u šoku i ni mogla niš reči. Da ne spadne mona malo se pribrala i rekla je da brod ni pa njima nego Anvangardu, pa su oni krivi. Gospodar Irac je i u paniki bija galantan, pa joj je ponudija facolič da ubriše suze.

Kakov kontrafaul. Narečena šinjora je prid malo vrimena bila na čelu elitnega HUP-a i kritizirala vladu da je nekompetentna. Kad joj je steka mandat se je ufendila i vrgla svoj Tehnomont van te udruge. Certi bi rekli da ju je Bog kaštiga, ma ja pensan da je to bila nika sabotaža, da je niki po noči zariza pas. Forši su ga, dokle je stražar spa, po noči poslali za vendetu iz HUPA.

Največa je tragedija da je slavni Divić u raspremi, u kvaru i priz plovidbene dozvole, pa do noći nadan ni uspija najti dizalicu koja če izvaditi brod. Pokle neprospane noči šok je bija još veči. Brižan brod je skliznuja z pridnjega pasa i potonuja na dno. Za ne verovati.

Povezane vijesti


Podijeli: Facebook Twiter







Vremenska prognoza

Podaci preuzeti sa: www.yr.no


Web kamere

Pula

Pula: Banjole bay
Pula: Banjole bay

Pula

Pula: Forum
Pula: Forum