Zanini Intela "Miglior Vita"

(Ekomuzej Batana / Denis Lovrovic)

E dove ti navigi, druxe mio, pubratiene, in sta batana viecia stara, tamo po ten drugen svitu? Kojega kolora, tamo, su šteme i mondure, ča su nebeske čelešte?

Nastavljam za vas, moji strpljivi štilci i pametne štijelice, kopati po memorabilia mea - et mea culpa, kopati po sjećanju, papirima, fajlovima. I još malo moga hira: svaki bot će biti to ča muojih vierši, a ne samo na bote: naslov objašnjavam idući put – Tenžera je to sarkastično parfarazirao latinsku poslovicu: o tempora, o mores... A za danas, samo jiena pisma za muoga pretela Ligia Zaninija:

FELEIPO ZANINI

U milosti lipe vale Zabodarski, sprid noge mi duojde galeb,

Me gleda, ga gledan, si ti Feleipo iz pisme Ligia Zaninija,

E no: ćeš ti biti nego Ligio Zanini,

E dove ti navigi, druxe mio,

pubratiene,

in sta batana viecia stara, tamo po ten drugen svitu?

Kojega kolora, tamo, su šteme i mondure, ča su nebeske čelešte?

Feleipo na pašturi rovinjske rive

gleda u me fišo, ter to si ti, digo, o Ligio,

povi mi, kakove bandire, tamo, prhljaju na fešte?

Ča je tamo, ča?

Ča ste i tamo njihovi i naši?

Valja se staneš na kojega ud naših, i njihovih?

Ča su s tobon

Jure Žakan e Andrea di Montona,

Vergerio in Trubar e Vlačić,

Nazario Sauro i Janko Vuković von Podkapelski,

i Vladimir Gortan,

Milanović e Santin,

Jože Šuran e Pino Budicin?

A Saba, Svevo, Gambini, Cergoly,

i Balota, Gervais, Kamov, Črnja?

Sara anche D’Annunzio, Nazor?

E cossa fa Kosovel?

Ampak Kocbek bo blizo Boga, almeno Svetega Petra?

Povi mi Feleipo-Ligio,

ma ča su sve ča je tamo jušto dišenjali

Vincent i Ivan iz Kastva?

Feleipo, na, mu hitin sardelu:

Je, je i raj i purgatorij i paka, pubratiene,

su, su nebeski kunfini,

e guradie, e dogane e bandiere,

ma nel paradiso xe el Dio sollo con sua ditta bella,

dei angelli.

Nel purgatorio i guardiani che gioga tresette,

e noi tutti anime umane qua so nel inferno coi diavoli

disasperadi.

Mi kako i tamo gori,

svaki po svoju.

I ča, digo, Ligio, ma ča da ste donke skupa guardiani i pržunjeri

de la risiera San Saba e Flossenburg e Goli otok,

infoibatori e infoibati?

E si, infatti,

sve je kako ča je bilo,

niedan za nas ne škrbi,

paklenski meštri su zabili na nas,

imaju preveć svoga posla,

Sotona i vrazi drže kongres partije - provivaju stvari vrći na misto, ma ne gre:

Na dnevnom redu samo Mefisto!

Ma ča si se poša u nje pačati, drug Mefisto, mu viču vrazi,

ma ča ta prokleti Faust i svi Faustusi svita,

sad nan se smiju Kerubini i Serafini,

oganj ne potičemo,

se razminjemo jur lita i lita,

a ti Mefisto kupuješ njin duše,

a one nan ruše cilu ideju,

i Bog je napensa nan uzeti mandate.

Cussi la xe la de noi, pubrateine,

pien de noia,

beati voi vivi

nel

inferno...

Kad sam ga snimio za HTV, u njegovoj batani, a robijao je na Golom otoku, objasnio mi je srž "tranzicije": smo živjeli u strogoj državi, che ne strinseva i coioni: i onda fuckin’ democracy naglo pušta - ali ti gobast diventado, i se ne mozes sdrizar...

"E si, infatti, sve je kako ča je bilo, niedan za nas ne škrbi, paklenski meštri su zabili na nas, imaju preveć svoga posla, Sotona i vrazi drže kongres partije - provivaju stvari vrći na misto, ma ne gre: Na dnevnom redu samo Mefisto!

*Nastavak u sljedećem broju