PIŠE MILAN RAKOVAC

F&J&mraCK / New Economy Old Energy: FRAŠKA I ŠTERIKE

Milan Rakovac

Milan Rakovac


Ćujte dečki, pa ka’e ovo sat? Plin i struja skupi, kak bumo kuhali? I kaj? I kak se bumo grijali? Na drva? Je, al metar drva već je četiri glave (400 kuna, no), a za zimu ti treba barem deset kubnih metrof drva…

Intanto, Franić, Jurić i ja smo se levali tik-tak. A ča da su nan kokoše mozak popile, kako ča nan ga pije trio Putin-Zelenski-Biden.

M: Ala ragači, prvo nan rabi trahtor i ča veća prikolica.

F: Ma za ča?

M: Pak velika tenda, kosiri, rankuni, maršani, grablje, vile, sikire, šegun, ma ne na motor…

J: Ma ča gremo u partizane?

M:deboto.

F&J: Ma će dojti   invazija?

M: Da, invazija mižierije i kareštije i siromaštine.

J: A z kosiri i rankuni ćemo je frmati?

F: Me par da kapin, samo ča tenda?

M: Maskirna disciplina.

J: E va ben, dajdajjjj, ma ča pak trahtor?

M: A ča ča?

F: To nan vero ni nikakova energetska politika.

M: Ma vero ste pametni obadva. Trahtor guca dizel, to je…

F&J: Ma gran stvar, takvi smo po cijelom tijelu.

M: OK, smart gajs, a ki će prikolicu potizati?

J: Vero tovar.

M: a ča imate tovara?

F&J: ne, ma ćemo ga kupiti poli naših Bumbari.

M: Vrajža maštela, meritate Nobelovu nagradu.

Ali, dosta priče! Rečeno učinjeno, smo se ćapali nas tri stara coka dreto u Vidornu, po našoj staroj navadi još kad su bili zakoni Šerenišime pak Cesara našega bejatega: ko ti rabi drivo za timun, eli gredu kad krov pokrivaš, se levaš u državnu bošku, u Vidornu, Kuntiju, Dragu.

M: ajmo drugovi smjelo, nema odomora dok traje obnova…

Smo pomalo se šegali po putu kroz bošku, se pofrmali dokle smo vrgli veliki znak STOP, ča smo ga upahnuli u SutLavrieču.

E taia la graia!

F&J: Ma samo ča je suho…

M: Ok, vas dva meštra sikire i pile i siči-šegaj brale koliko ti drago…

F&J: A ti, škrivan, ti’š biti kako kapo de tuti kapi?

M: Ne ja, ja ću pomalo z kosirićen sići frašku, pokupiti je z grabljami i ponesti na prikolicu…

F&J: Ma bravo, vero si poštena inteligencija, ča bi rekli naši komesari, kako ča je bilo i poštenih Talijani s nami.

M: E ši ke ši. Pak je jedan Rovinjež ča je bija komandir čete u 43. Istarskoj diviziji reka: ma cossa lori i xe tutti POŠTENI. E ala na Goljak, moj bato – bel nome croato, che el xe piutosto serbo…

F: I ča? Još nan rabe kandele.

M: Ma ča će nan kandele, ča ni bolja ćora na petrolijo.

J: malo bolje svitli, ma vero nami niete da!

M: Ma zašto?

F&J: Ma ča zašto? Si nas natenta da gremo u ladriju, kako i naši stari, da osiguramo energetsku neovisnost, efikasnost i sve čisto na ten bilen svitu, a sad biš hita ograničena sredstva na petrolijo!

M: Aj vero ste pametniji nego Salamun…

Ma ča da van rečen, dva remuorća fraške smo nakrgali, pokrili lipo z tiendon soldačkon maskirnon kako ča smo i mi bili maškerani svi kako merikanski soldati, pak lipo razvezli frašku u naše kuorte. Ja pka prezbožnik san popaha dvanajst šterik sprid naše kapleice, sad vero neka bude zime i škurina, ma mi ćemo se grijati za džaba i poli šteriku štiti Glas, Francija i Šjoru Špiju i sve ča ćeš… I naša je budućnost svitla i kakva god o’š: je dela predstavu Ilija Zovko kako je govorija pricidnik općine te-i-te razumiš-ti-menekare-tutekarce, taj-i-taj-dotični1945 – vi’dte vi drugovi ovo naše brdo Osoje? Na njemun restu oraji tili vi ne tili jerbo je taka njiova priroda, a Naroda vlast će prolit ašfalt od Osoja doli do prid kuće. Pa ka oti oraji ozridu, a bura puše tili vi ne tili jerbo je taka njiova priroda, bura će otresti ote oraje koji će se strmeknut niza asfalat, ti’š rastegnut vriću i oraji će sami ulist u vriće i vaša je budućnost, drugovi i drugarice, svitla i kakva go oš…

 

Povezane vijesti


Podijeli: Facebook Twiter








Web kamere

Pula

Pula: Banjole bay
Pula: Banjole bay

Pula

Pula: Forum
Pula: Forum